Մեկնարկելով 2019 թվականի սեպտեմբերի 30-ից՝ գյուղատնտեսության ապահովագրության պիլոտային ծրագիրը հնարավորություն է ընձեռում գյուղացիական տնտեսություններին ապահովագրելու իրենց պտղատու այգիները, դաշտերը, հողատարածքները մի շարք բնական վտանգավոր երևույթներից:

Գյուղացիական տնտեսությունները կարող են ապահովագրել հետևյալ մշակաբույսերը ՝ ծիրան, խաղող, խնձոր, դեղձ, սալոր, հացահատիկ (աշնանացան և գարնանացան՝ ցորեն, գարի, վարսակ), կարտոֆիլ, ձմերուկ, սեխ, բալ և կեռաս։

Ապահովագրական ռիսկեր

Գործող Պայմանների համաձայն, ապահովագրության պայմանագրով ապահովագրության ենթակա ռիսկերն են.

• Գարնանային ցրտահարություն, որը սառեցման կետից ցածր ջերմաստիճանի պատճառով ծառերի և մշակաբույսերի հատվածների հյուսվածքների՝ բողբոջների, ծաղիկների, փոքր պտուղների սառեցումն է, ընդ որում՝ վերաբերում է այն ժամանակահատվածին, երբ բույսերը ձմեռային հանգստից հետո վերականգնում են իրենց վեգետացիան։
• Կարկտահարություն, որը սովորաբար անձրևի և/կամ քամու հետ ուղեկցվող գնդաձև սառցե կտորների տեսքով մթնոլորտային տեղումներն է, որոնք կարող են ֆիզիկական վնաս հասցնել ծառերի և մշակաբույսերի հատվածների հյուսվածքներին՝ հանգեցնելով բերքատվության կրճատմանը։
• Հրդեհ՝ անվերահսկելի բռնկում և այրում, որն առաջանում է բնական գործոնների պատճառով՝ ներառյալ բարձր ջերմաստիճանը, կայծակի հարվածը: Գործող Պայմանների համաձայն՝ հրդեհի ռիսկը վերաբերում է բողբոջների, ծաղիկների, պտուղների վնասմանը հրդեհի հետևանքով (ծուխ, մուր), ինչպես նաև հրդեհը մարելու միջոցառումների իրականացման ժամանակ ապահովագրված բերքին հասցված վնասին և չի վերաբերում որթատունկի և ծառերի վնասմանը։
• Երաշտ, որը տեղումների արդյունավետ քանակի բացակայությունն է օդի բարձր ջերմաստիճանի պայմաններում։

Կախված մշակաբույսի տեսակից՝ հնարավոր է նաև համակցված ռիսկերով ապահովագրություն․ գյուղատնտեսը կարող է մեկ ապահովագրության պայմանագրով իր հողատարածքը միանգամից ապահովագրել երկու նշված ռիսկերից և ստանալ 10% զեղչ:

Կարևոր է․

Չնշված այլ գործոնների ազդեցության հետևանքով հասցված վնասը չի փոխհատուցվելու ապահովագրական ընկերության կողմից։

Գործողության տարածք

Ապահովագրությունը, կախված ռիսկերից և մշակաբույսերից, գործում է ՀՀ հետևյալ մարզերում․

• «կարկտահարության և հրդեհ» ռիսկից ծիրանի, խաղողի, դեղձի, հացահատիկի ապահովագրության դեպքում՝ Արմավիրի, Արարատի, Վայոց ձորի, Կոտայքի, Տավուշի, Արագածոտնի, Գեղարքունիքի, Լոռու, Սյունիքի և Շիրակի մարզերում գտնվող հողատարածքների վրա,
• «կարկտահարություն» ռիսկից խնձորի, հացահատիկի, սալորի, կարտոֆիլի, բալի, կեռասի ապահովագրության դեպքում՝ Արմավիրի, Արարատի, Վայոց ձորի, Կոտայքի, Տավուշի, Արագածոտնի, Գեղարքունիքի, Լոռու, Սյունիքի և Շիրակի մարզերում գտնվող հողատարածքների վրա, իսկ ձմերուկի և սեխի ապահովագրության դեպքում՝ Արմավիրի, Արարատի և Արագածոտնի մարզերում գտնվող հողատարածքների վրա,
• «գարնանային ցրտահարություն» ռիսկից ծիրանի, խաղողի, դեղձի, սալորի, կարտոֆիլի ապահովագրության դեպքում՝ Արմավիրի, Արարատի, Վայոց ձորի, Կոտայքի, Տավուշի, Արագածոտնի, Գեղարքունիքի, Լոռու, Սյունիքի և Շիրակի մարզերում գտնվող հողատարածքների վրա,
• «երաշտ» ռիսկից հացահատիկի ապահովագրության դեպքում՝ Արմավիրի, Արարատի, Վայոց ձորի, Կոտայքի, Տավուշի, Արագածոտնի, Գեղարքունիքի, Լոռու, Սյունիքի և Շիրակի մարզերում գտնվող չոռոգվող հողատարածքների վրա:
  

Կարևոր է․

• Մեկ կադաստրային վկայագրի կամ վարձակալության պայմանագրի ներքո գտնվող հողատարածքը պետք է ապահովագրվի ամբողջությամբ:
• Յուրաքանչյուր հողատարածքի ապահովագրության համար սահմանված է ապահովագրական գումարի 15%-ի չափով չհատուցվող գումար։

Ապահովագրության ժամկետ

2026 թվականին բերքի համար ապահովագրության պայմանագիրը կարող է կնքվել հետևյալ ժամկետով.

Մշակաբույս		Ռիսկ	Պայմանագրի կնքման վերջնաժամկետ	Պայմանագրի գործողության ժամկետ
Ծիրան		Կարկտահարություն և հրդեհ	Մարտի 25	Ապրիլի 1 – Օգոստոսի 25
		Գարնանային ցրտահարություն	Մարտի 31	Մարտի 1 – Օգոստոսի 25
		Գարնանային ցրտահարություն ու Կարկտահարություն և հրդեհ	Մարտի 25	Մարտի 1 – Օգոստոսի 25
Խաղող		Կարկտահարություն և հրդեհ	Մարտի 25	Ապրիլի 1 – Հոկտեմբերի 30
		Գարնանային ցրտահարություն	Մարտի 25	Մարտի 1 – Հոկտեմբերի 30
		Գարնանային ցրտահարություն ու Կարկտահարություն և հրդեհ	Մարտի 25	Մարտի 1 – Հոկտեմբերի 30
Դեղձ		Կարկտահարություն և հրդեհ	Մարտի 25	Ապրիլի 1 – Հոկտեմբերի 10
		Գարնանային ցրտահարություն	Մարտի 15	Մարտի 1 – Հոկտեմբերի 10
		Գարնանային ցրտահարություն ու Կարկտահարություն և հրդեհ	Մարտի 15	Մարտի 1 – Հոկտեմբերի 10
Խնձոր		Կարկտահարություն	Մայիսի 31	Մայիսի 1- Հոկտեմբերի 10
Հացահատիկ գարնանացան (ցորեն/գարի/վարսակ)		Կարկտահարություն	Մայիսի 20	Ապրիլի 1 – Հոկտեմբրի 1
		Կարկտահարություն և հրդեհ	Մայիսի 20	Ապրիլի 1 – Հոկտեմբրի 1
		Երաշտ	Մայիսի 31	Մայիսի 1 – Հոկտեմբրի 1
		Երաշտ և Կարկտահարություն Երաշտ և Կարկտահարություն և հրդեհ	Մայիսի 20	Ապրիլի 1 – Հոկտեմբրի 1
Վաղահաս կարտոֆիլ		Կարկտահարություն	Մայիսի 31	Մարտի 20 – Օգոստոսի 1
		Գարնանային ցրտահարություն	Մարտի 10
		Գարնանային ցրտահարություն և կարկտահարություն	Մարտի 10
Միջին-վաղահաս, միջին ուշահաս և ուշահաս կարտոֆիլ		Կարկտահարություն	Մայիսի 31	Ապրիլի 1 – Հոկտեմբերի 1
		Գարնանային ցրտահարություն	Մարտի 20
		Գարնանային ցրտահարություն և կարկտահարություն	Մարտի 20
Ձմերուկ, սեխ		Կարկտահարություն	Մայիսի 31	Մայիսի 1 – Հոկտեմբերի 1
Սալոր		Կարկտահարություն	Մայիսի 31	Ապրիլի 1 – Սեպտեմբերի 1
		Գարնանային ցրտահարություն	Մարտի 20
		Գարնանային ցրտահարություն և կարկտահարություն	Մարտի 20
Բալ և կեռաս	Վաղահաս և միջահաս	Կարկտահարություն	Մայիսի 31	Մայիսի 1 – Հուլիսի 1
	Ուշահաս			Մայիսի 1 – Սեպտեմբերի 1

Ապահովագրավճարի չափը և վճարումը

Ապահովագրավճարի չափը կախված է համայնքից, մշակաբույսից, ապահովագրվող ռիսկից/ռիսկերից:

Ապահովագրավճարի սակագների վերաբերյալ մանրամասները ներկայացված են Պայմանների Հավելված 2-ում։

Կարևոր է․

Ապահովագրավճարը մասամբ սուբսիդավորվում է պետության կողմից։ Մասնավորապես․

• 40% սուբսիդիա ծիրանի և հացահատիկային մշակաբույսերի (ցորեն, գարի, վարսակ) համար,
• 60% սուբսիդիա մնացած մշակաբույսերի համար՝ անկախ ընտրված ռիսկերից՝ ներառյալ համակցված ռիսկերը

Գյուղատնտեսության ապահովագրության պայմանագիր կնքելու համար անհրաժեշտ փաստաթղթեր

• Ապահովադրի անձը հաստատող փաստաթուղթ
• Հողամասի սեփականության վկայական
• Վարձակալության պայմանագիր կամ իրավական այլ փաստաթղթեր

Ուզու՞մ եք իմանալ ավելին:

Մենք ուրախ կլինենք պատմել Ձեզ գյուղատնտեսության ապահովագրության մասին և կօգնենք արագ ձևակերպել վկայագիրը:
Զանգահարե՛ք մեզ (012) 88 88 88 հեռախոսահամարով կամ գրե՛ք [email protected] հասցեին: