company logo

Մենք Ձեր կողքին ենք

Էջը թարմացվել է 21/05/2024 18:50

Ձեզ հետ ինչ-որ բան է պատահե՞լ. խուճապի մի՛ մատնվեք, մենք Ձեր կողքին ենք:

Առաջին հերթին զանգահարեք (012) 88-88-88 հեռախոսահամարով: Հեռախոսահամարն աշխատում է շուրջօրյա, և մեր աշխատակիցները Ձեզ կհուշեն՝ ինչ անել և ինչ պետք չէ անել:

Այս բաժնում մենք մանրամասն կպատմենք, թե ինչ է անհրաժեշտ անել տարբեր ապահովագրական պատահարների (կայանման վայրում քերծված մեքենայից մինչև Ձեր յախտայում հրդեհի բռնկման դեպքերը) ժանանակ:

Ապահովագրության էությունը հատուցում ստանալու մեջ է: Որպեսզի մենք հատուցենք Ձեզ պատճառված վնասը անհրաժեշտ է.

1) Ձեզ հետ տեղի ունեցածը արձանագրվի համապատասխան լիազոր մարմիններում

2) Դուք գրեք դիմում և մեզ ներկայացնեք փաստաթղթեր

Դրանից հետո Ձեզ վճարվում է հատուցում: Այդ ամբողջ գործընթացը կոչվում է հայտերի կարգավորում: Եթե դեպքը ճանաչվում է ապահովագրական, ապա ապահովագրական ընկերությունը՝ այսինքն մենք, հատուցում ենք Ձեր կրած վնասները (մեքենայի վերանորոգում, բժշկական խորհրդատվություն կամ բուժում և այլն):

Ձեր ապահովագրական վկայագրում նշված է ժամկետը, որի ընթացքում մենք պարտավոր ենք Ձեզ վճարել գումարը: Օրինակ՝ ԿԱՍԿՈ պայմանագրի դեպքում այն կազմում է 15 աշխատանքային օր: ԱՊՊԱ պայմանագրով նշված ժամկետները սահմանված են օրենքով և տարբերվում են որոշակի դեպքերում: Իհարկե, մենք անում ենք ամեն հնարավորը, որպեսզի Դուք ստանաք փոխհատուցում առավելագույնս արագ: Սակայն, որոշ դեպքերում դա մեզանից չէ կախված:

Մեր հաճախորդների համար սպասարկման հնարավորինս բարձր մակարդակ և հարմարավետություն ստեղծելու նպատակով մենք ապահովում ենք.

1. Որակ

Մեր աշխատողները պրոֆեսիոնալ են: Միայն անցյալ՝ 2023 թվականին, մենք վճարել ենք ավելի քան 10,2 միլիարդ դրամ հատուցում: Մեզ մոտ հատուցում ստացած մարդկանց 91 տոկոսը պատրաստ են խորհուրդ տալ իրենց ծանոթներին ապահովագրվել մեր ընկերությունում: Սակայն մենք մտադրված չենք կանգ առնել: Մենք ուշադիր հետևում ենք սպասարկման որակին և մեր աշխատակիցների մասնագիտական պատրաստվածությանը:

2. Արագություն

Մենք երաշխավորում ենք, որ մեր ընկերությունում Դուք կստանաք ամենաօպերատիվ սպասարկումը և հատուցում առավելագույնս կարճ ժամկետում: Ինչպես և Դուք, մենք չենք սիրում հերթեր և քաշքշուկներ: Ահա թե ինչու մենք գործարկեցինք հայտերի կարգավորման առցանց տարբերակը։
Առցանց ծառայություններին կարող եք ծանոթանալ այստեղ
Ամեն ինչ շատ հեշտ է, պարզ ու արագ։

Մենք անում ենք ամեն ինչ, որ Դուք Ձեզ հասանելի փողը ստանաք օպերատիվ և առանց սթրեսի, և ստիպված չլինեք սպասել:

3. Թափանցելիություն

Մենք շատ բան գիտենք ապահովագրության մասին և մշակում ենք պրոդուկտները հաշվի առնելով Ձեր շահերը: Մենք ոչինչ չենք թաքցնում և բացահայտ նշում ենք, թե որ դեպքերում է Ձեր վկայագիրն ապահովում ծածկույթ, և որ դեպքերն են հանդիսանում բացառություն: Այդ ամբողջ տեղեկատվությունը ներկայացված է կայքի այն էջերում, որոնք Դուք դիտում եք վկայագիր ձեռք բերելուց առաջ: Թաքցնելու բացարձակ ոչինչ չունենք` մենք համարում ենք, որ Դուք իրավունք ունեք իմանալու, թե ինչ եք ձեռք բերում:

4. Հանգստություն

Հայտերի կարգավորման գործընթացի ընթացքում Ձեզ սպասարկող մեր աշխատակիցներն ունեն տհաճ իրավիճակում հայտնված մարդու հետ շփվելու մեծ փորձ: Նրանք գիտեն, թե ինչպես կարելի է օգնել սթրեսային իրավիճակում գտնվող հաճախորդին: Եվ առավել ևս, հստակ գիտեն, թե ինչ է անհրաժեշտ անել կոնկրետ դեպքում: Հավատացե՛ք, եթե տեղի է ունեցել Ձեր վկայագրով նախատեսված պատահար, պետք է սկզբից մեզ զանգահարել՝ ոչ ոք մեզանից լավ չի օգնի և չի տա ավելի լավ խորհուրդ:

Խորը շունչ քաշեք, Դուք հուսալի ձեռքերում եք: